Космо иновативен центар

апликација за КОСМО-франшиза за Регионален центар (doc.)

ОТВОРЕН КОНКУРС ЗА ОБУЧУВАЧИ И КОНСУЛТАНТИ

КОСМО-ЛИЦЕНЦА ЗА ТРЕНЕР

KОСМО Иновативен Центар има потреба од стручни соработници: консултанти и обучувачи за реализација на програмските содржини на KNOW-HOW консалтинг-едукативната програмата и за реализација на регионални проекти кои се дел од програмата на WIFI Institute Austria

Потребни се кандидати кои ќе можат да реализираат периодични обуки, тренинзи или консалтинг-услуги од следните ОБЛАСТИ:

- финансиско планирање

- сметководство и финансиско работење

- финaнсиска анализа на финансиски извештаи

- финансиска оценка на инвестициони проекти

- банкарски кредити и кредитирање

- пазари на пари и капитал

- продажно планирање и буџетирање

- управување со трошоците

- маркетинг-менаџмент

Кандидатите треба да ги исполнуват следните УСЛОВИ:

- завршено високо образование

- работно искуство минимум 3 години

- покрај добро владеење на македонски или албански јазик, потребно е познавање на српски/хрватски, англиски јазик

- менаџерско работно искуство на кандидатот или дел од работно искуство, работни обврски, волонтерски обврски како обучувач, презентер, модератор или консултант, ќе значат предност во квалификациската процедура

- Кандидатите треба да имаат работно искуство во приватни претпријатија, јавни претпријатија, финансиски организации, универзитети како интерни тренери, аналитичари, стручни соработници, консултанти или советници, со личен интерес за континуирана едукација.

Се молат заинтересираните кандидати да пополнат Europass CV (www.cosmoinnovate.com.mk/download/cvupatstvo.pdf) и заедно со придружно писмо, во кои ќе се наведат тренинг областите за кои се пријавуваат, да го испратат на е-маил contact@cosmoinnovate.com.mk или на нашата адреса: КОСМО Иновативен Центар, бул.Јане Сандански 113, 1000 Скопје.

Рок за доставување на пријавите е 17.00 часот на 5 мај 2011 година.

:: НАСКОРО ::

WIFI сертифицирани обуки -

преквалификација и доквалификација

* упатство за пополнување EUROPPASS CV (pdf.)

* бланко EUROPASS CV (doc.)

КОСМО-франшиза

за Регионален центар:

почетна такса плус месечни такси со износ и распоред според бројот на канцеларии

Територија на лиценца:

договорно

Услови на договорот:

5-годишен договор со можност на обновување за наредните 5 години

Обука:

интензивни обуки

Нови техники на учење и подучување

Маркетинг во мали и средни претпријатија

6-7 дена во канцеларија на КИЦ

периодични посети од консултант

библиотека на литература за поддршка

Селектираните кандидати ќе бидат повикани на тестирање и интервју во КОСМО Иновативен Центар. Кандидатите кои ќе ги исполнат потребните критериуми ќе бидат поканети на специјализирана „Обука за обучувачи„ (се состои од 3 модули: обука Нови техники на учење и поучување, обука за пријавената тренинг област и обука за маркетинг и франшизинг системот на КОСМО).

Кандидатите со успешен завршен тест на обуката ќе добијат Лиценца за тренер и Договор за тренер во франшизинг системот на КОСМО Иновативен Центар, можност за добивање КОСМО Франшиза за Регионален Центар и/или понатамошма специјализација и интернационално сертифицирање во тренинг системот на WIFI Institute Austria.

Забелешка: Тренерските лиценци на КОСМО Иновативен Центар и WIFI Institute Austria периодично се обновуват. Цената на првичното лиценцирање зависи од областа на работење на тренерот и започнува од 300 ЕУР за лиценците на КОСМО, и 1.000 ЕУР за лиценците на WIFI Institute Austria.

>> СПОНЗОРСТВО ЗА МОТИВАЦИЈА >>

Програмата СПОНЗОРСТВО ЗА МОТИВАЦИЈА е наменета за поддршка на кандидатите кои ги завршиле обуките за Проект-менаџер, Менаџер на продажба, Претприемнички менаџмент или Сметководство во КОСМО Иновативен Центар и сакаат да ја комплетираат обуката со практична работа - изработка на проект во реална деловна средина.

НАЧИН НА РЕАЛИЗАЦИЈА

Кандидатите за време на двомесечната практична работа треба да изработат проектна апликација, маркетинг-план или бизнис-план соодветно на обуката за Проект-менаџер, Менаџер на продажба или Претприемнички менаџмент, а сметководителите, за време на соодветната шестмесечна практика, треба да изработат рекапитулар за плати, амортизација, тековни книжења и сметководствени евиденции за претпријатието кое ги прифаќа. За време на практичната работа, кандидатите се консултираат и помагаат од одговорно лице во КОСМО Иновативен Центар, а практичната работа (проектот) ќе биде успешен само ако се одобри од одговорното лице во претпријатието и од менторот во КОСМО Иновативен Центар.

ИЗБОР НА КАНДИДАТИ

КОСМО Иновативен Центар на заинтересираните претпријатија бесплатно ќе им достави информација - CV од потенцијалните практиканти и официјално барање за нивен прием на практична работа. Изборот на практикантот претпријатието го прави самостојно, а условите за реализирање на работата (евентуален надомест за транспортни трошоци, плата и сл.) ќе ги договорат практикантот и претпријатието меѓусебно.

ПРИЈАВУВАЊЕ НА ПРЕТПРИЈАТИЈА

За пријавување учество во програмата Спонзорство за мотивација е потребен официјален допис од претпријатието до КОСМО Иновативен Центар, во кој се наведува интересот за соработка и назначувањето на претходната обука која кандидатот треба да ја има завршено.

дознајте повеќе за ECTS (European Accumulation Credit System) системот применет во обуките на КОСМО Иновативен Центар

дознајте повеќе за програмите на обуките за Проект-менаџер, Менаџер на продажба, Претприемнички менаџменти Сметководство

За повеќе информации контактирајте на тел: (02) 244 8077, (070) 361 553 или на e-email

почетна услуги обуки производи референци работа за нас контакт